Aquesta creacion contemporanèa que’vs perpausa de caminar ena vath d’Aspa tà descobrir traç dera memòria dera Grana Guèrra. Inspirada pera vita e pera destinada deus Aspés partits tara guèrra en 1914, eth viscut deras familhas demoradas ena vath, deras o deths que i demorèn o i passèn pr’amor deth conflicte, aquestas cinc òbras que son tanben un envit a soviene’ns deths noms e dera vita d’aquestes Aspés, desapareishuts o deportats. Ath parat d’aquesta evocacion, eth sovier d’aquestes gojats sacrificats que ns’interpella e ns’envita ara reflexion, a ua vigilància necessària ath moment quan era temptacion de s’acrocar, d’arrefusar er’aute e era diferéncia soa que tornan vàder en eth monde.